Неодамнешна студија покажала дека фотографиите објавени на социјалните мрежи, како што се Инстаграм и Фејсбук, кријат визуелни знаци кои можат да укажат дали некој пати од депресија.
Американски научници развиле софтвер кој ги скенира фотографиите и во 70 отсто од случаите дијагностицира депресија.
Истражувањето покажало дека депресивните поединци на Инстаграм споделуваат фотографии кои се потемни и содржат доста сини и сиви нијанси во споредба со личностите кои не боледуваат од депресија.
Депресивните личности, особено често користат филтер кој фотографиите во боја ги претвора во црно-бели (Inkwell filter), додека здравите поединци повеќе ги сакаат филтрите кои фотографиите ги прават потопли и посветли (на пример, Valencia filter).
Личностите со депресија, исто така, поставуваат фотографии кои содржат помалку човечки лица, најверојатно затоа што одбегнуваат интеракција со околината.
