Со години се зборува за штетноста на газираните засладени напитоци бидејќи во себе содржат огромни количини додадени шеќери. Може да доведат до голем број на хронични болести, а научни истражувања сега покажале дека може да се поврзат и со смртноста.
Лицата кои консумираат поголема количина на засладени газирани пијалаци секојдневно се во поголем ризик од рана смрт, предизвикана од срцеви болести и рак, за разлика од оние кои немаат ваква навика, заклучува најновата американска студија.
Имено, консумирањети на овие напитоци додведува до 28% поголем ризик од рана смрт од разни причини, 31% поголем ризик од смрт поради срцеви болести и 16% поголем ризик од смрт поради рак.
Студијата не е контролиран експеримент кој докажува дали и како засладените напитоци директно влијаат на рана смрт, но факт е дека и додадените шеќери имаат огромна улога.
