Генитална микоплазма – малку позната сексуално пренослива болест која станува сè посериозен проблем

Научниците предупредуваат дека МГ станува отпорна на лекови, а се верува дека многу луѓе ја носат

Австралиските научници предупредуваат на малку позната, сексуално пренослива болест која станува отпорна на лекови. Се верува дека многу луѓе се носители на генитална микоплазма (МГ), која може да предизвика неплодност и предвремено породување. Една нова студија ги предупредува докторите дека болеста е тешко препознатлива, бидејќи симптомите се многу ретки. Исто така, тврди дека најновиот тест може да им овозможи на гинеколозите да почнат да ја лекуваат пред да им наштети на младите жени кои сакаат да имаат семејство.

Mycoplasma genitalium е паразитска бактерија која се пренесува по сексуален пат

Гениталната микоплазма може да предизвика болка при сексуален однос и крвавење после. Во последниве години е се пораширена и, се чини, дека може да ескалира. Во Австралија на 100 луѓе двајца заболуваат од МГ. Брзото ширење на болеста, предизвикано главно од несвесноста на лицата дека ја имаат, им помага на бактериите да станат отпорни на антибиотици. Со новиот тест развиен од SpeeDz во соработка со Melbourne Royal Women’s Hospital, докторите се надеваат дека ќе го запрат ширење на болеста.

Mycoplasma genitalium е паразитска бактерија која се пренесува по сексуален пат. Кај мажите предизвикува воспаление на мочниот меур. Симптомите може да бидат капење од пенисот и чувство на печење при мокрење. Кај жените, таа предизвикува цервикална инфекција. Симптомите најчесто се отсутни, но со текот на времето може да се појави голем исцедок, непријатност при мокрење и крвавење помеѓу циклусите или после секс. Симптомите честопати личат на кламидија или гонореја и може да се заменат со нив. Ако инфекцијата не се третира, може да дојде до воспаление на воспаление на цревата, инфекции на репродуктивните органи, кои можат да предизвикаат неплодност, вонматерична бременост, спонтан абортус.

Гениталната микоплазма може да предизвика болка при сексуален однос и крвавење после

Д-р Катрина Бредшо, од универзитетот Монаш, вели дека многу доктори и не знаат за оваа болест. Додава дека болеста покажува отпор кон терапијата, бидејќи во последната деценија поминувала незабележано. Оваа бактерија е присутна уште од 1980-тите години, кога научниците не знаеле како се пренесува. Дури во 2015 година е класифицирана како сексуално пренослива болест кога студијата открила дека кај тинејџерите кои не се сексуално активни нема инфекција.