Колку често ви паѓа на памет во текот на денот да ги стиснете прстите со палецот, како да ги кршите? Ако пукањето прсти ви пружа чувство на олеснување, не сте единствени. Звукот на пукање што го слушате е всушност пукање на балончиња гас, кои се насобираат во мекото ткиво околу зглобовите.
Навиката која веројатно ја правите со години, секако не е добра одлука за вашите зглобови. Иако постои мислење дека на овој начин се предизвикува артритис, лекарот Алекс Фоксман од Институтот Беверли Хилс тоа го негира, но тврди дека постојат други опасности.
Неколку студии покажале дека луѓето кои тоа константно го прават имаат помалку сила во рацете и често им отекуваат. Ако пукањето на прстите е проследено со болка, причина за тоа може да биде неоткриена повреда. Некои истражувања покажуваат дека лицата кои го прават ова со прстите имаат и поинаква боја на кожата, како и дека последица од оваа навика е и отекување на лигаментите, објаснува д-р Памела Арсов.
Со пукањето на вратот пак, се поместува еден пршлен над и еден под оној кој е блокиран, додека блокираниот пршлен и понатаму “запнува“, па поради тоа сакате да го повторите пукањето. Истовремено, долгорочното повторување на оваа навика може да предизвика истегнување на тетивите и послаба функција, што оневозможува правилно држење на главата и тоа може да доведе до болка, но и други здравствени проблеми.
