Гинеколошки рак е секој малигном кој почнува во некој од ограните на женскиот генитален систем и вклучува: рак на грлото на матката (lat. Carcinoma cervicis uteri), рак на јајчниците (lat. Carcinoma ovarii), рак на телото на матката (lat. Carcinoma corporis uteri, Carcinoma endometrii), рак на јајцеводот (lat. Carcinoma tubae uterinae), рак на вагината (lat. Carcinoma vaginae), рак на валвулата (lat. Carcinoma vulvae).
Секој гинеколошки рак има свои особини – различни симптоми, ризик фактори, различни мерки за превенција и лекување, различен тек на болеста, односно квалитетот на животот (по лекувањето).
Она што е општо е дека кај секоја жена може да се појави рак на некој од гениталните органи, а ризикот од појава се зголемува со времето. Исто така, општо значи – колку порано се открие (во рана фаза на болеста) и лекувањето и опоравувањето се подобри.
Бидејќи не може со 100% сигурност да се каже како некоја жена ќе заболи од гинеколошки рак (настрана од наследната склоност), важно е да го познавате своето тело, како изгледа, како функционира… бидејќи само така може на време да се согледаат промените, кои не мора нужно да укажуваат на малигниот процес, но секако се причина за посета на гинеколог.
Симптоми кои никако не смеат да се занемарат:
- Абнормални крварења од гениталниот тракт
- Чувство на надуеност
- Пречки со уринирањето и/или столицата
- Болен полов однос
- Отечени нозе и друго
Доколку се појави нешто од споменатото, не мора секогаш да се работи за рак на некој од гениталните органи, меѓутоа секако е потребен преглед кај гинеколог.
Исто така е карактеристично тоа што во раната фаза на болеста, нема правило за поизразени симптоми, меѓутоа, кога ќе се појават, болеста главно е во напредната фаза, кога се помали шансите за излекување. Затоа е многу важно редовно да се оди на превентивни прегледи, бидејќи на тој начин гинекологот ќе ги види раните знаци за болеста, и веднаш ќе започне со адекватното лекување.
