Единствената работа којашто треба задолжително да ја направите откако ќе го искористите тоалетот е да го спуштите капакот на тоалетната школка. Многумина тоа и не го прават, но еве добра причина да ја променат својата навика. Ако спаѓате во оваа група на луѓе кои не го спуштаат капакот, ризикувате фекалните бактерии да се прошират низ целото купатило, односно на пешкирите, четките за заби итн.
Токму затоа, пред да го притиснете казанчето со вода, прво спуштете го капакот на веце-школката и спречете ги бактериите кои се наоѓаат во самата тоалетна школка да се рашират наоколу.
Експертите објаснуваат дека кога пуштате вода, честиците вода се мешаат со урината и фекалиите и летаат повеќе од еден метар во воздухот, доколку школката не е поклопена
Меѓу другото се препорачува пешкирите и четките за заби да се држат што подалеку од толетната школка, но тоа и понатаму не го исклучува фактот дека треба да ја поклопите школката.
Во честиците вода, кои се распрснуваат од тоалетната школка, често се наоѓаат бактерии како ешерихија коли и шигела, кои можат да бидат многу опасни по здравјето. Еве ви добра причина да размислите добро дали наредниот пат кога ќе го користите тоалетот ќе го оставите капакот подигнат.
