Според податоците на Светската здравствена организација, девет од 10 случаи на депресија се појавуваат кај работната популација.
Истражување на огранизацијата Depresssion Alliance покажало дека една од три личности во Велика Британија на работа се бори со депресија и со стрес. Според истражувачите, депресијата е најголем предизвик кај менталното здравје на вработените лица, и може да доведе до самотија и изолација на работното место.
Истражувањето покажало и дека депресијата на работното место ги уништува животите на луѓето.
Во врска со тоа, големите компании планираат да покренат иницијатива и да се соочат со проблемот како би им помогнале на своите вработени. Работодавачите би требало да знаат како меѓу своите работници може да ги воочат симптомите како неодлучност, заборавеност и недоволно концентрација, оти тие укажуваат на депресија. Насоките подразбираат интервенции кои врвните компании веќе ги користат, како домашно советување, фитнес програма и ревизија на стресот, како би се идентификувале високоризичните работници.
Многу фирми не се соодветно опремени за грижа за вработените кои страдат од депресија, а пружањето поддршка на таквите работници е многу важно.
