Google како најбаран доктор

Едно од 20 пребарувања на интернет е поврзано за здравјето, а истражувањата покажуваат дека 50 отсто од луѓето решение за здравствениот проблем бараат на Google.

Ова се петте најпребарувани дијагнози на интернет поврзани со здравјето и ви нудиме стручни одговори на нив.

ПРАШАЊЕ: Не можам да престанам да се потам. Зошто ми се случува тоа?

ОДГОВОР: Два проценти од луѓето се склони кон прекумерно потење познато и како хиперхидроза. Кај прекумерното потење лекарите препорачуваат земање на лекови т.н. антиколингерици кои ја блокираат хемикалијата што ја активираат потната жлезда, а кои може да го намалат потењето и до 40 %. Терапијата зависи од подрачјето каде најмногу се потиме (најчесто тоа се пазувите), а постои и можност за оперативна помош.

ПРАШАЊЕ: Зошто стомакот постојано ми е надуен?

ОДГОВОР: Доколку стомакот постојано ви е надуен толку да чувството на нелагодност не поминува, тоа може да биде симптом на синдром на иритабилни црева. Едно од пет лица има проблем со иритабилни црева. Растителните влакна кои не се топат, како што се пченични трици, зеленчук… како и одредени јаглехидрати може да предизвикаат надуеност и да ја влошат состојбата на иритабилните црева. Исфрлете од исхраната една по еден по еден од овие продукти за да увидите кои продукти ви создаваат проблем. Гастроентеролозите додаваат дека кај овој здравствен проблем добро е во исхраната да се додадат и пробиотици. Се повеќе истражувања покажуваат дека пробиотиците помагаат во обновување на природната рамнотежа на добрите бактерии и можат во голема мера да ја намалат надуеноста кај лицата со иритабилни црева.

ПРАШАЊЕ: Имам 30 години и се уште ми се појавуваат акни. Поради што е тоа?

ОДГОВОР: Половина од возрасните жени имаат проблем со акни. Намалување на изложеноста на стрес, здравта исхрана и примената на посебни производи за чистење на кожата може во голема мера да помогнат при ваквата состојба. Доколку акните постојано ви се враќаат и оставаат белези или, пак, станува збор за цистични акни (големи, болни кои растат длабоко во кожата) често се препорачува и земање на орални лекарства, бидејќи промената на начинот на живот можеби нема да биде доволна за решавање на овој проблем чиј причинител веројатно се хормоните или генетиката, појаснуваат дерматолозите. Исто така, добро е да размислите од исхраната да го исфрлите кравјото млеко бидејќи се повеќе истражувања докажуваат поврзаност помеѓу млекото и појавата на акни.

ПРАШАЊЕ: Зошто за време на циклусот имам грутки?

ОДГОВОР: Грутките се составен дел од менструалниот циклус и вообичаено се создаваат во текот на денот кога крварењето е најобилно. Ако имате ненормално крварење или многу големи грутки кои во период од неколку часа истечат низ влошката или тампонот, потребно е да направите испитувања на крвта или ехо преглед со што би се открила причината. Гинеколозите велат дека е множно да станува збор за ендометриоза или синдром на полицистични јајници.

ПРАШАЊЕ: Дали е нормално кога вагината има чуден мирис?

ОДГОВОР: Да. Секоја вагина има свој мирис кој зависи од потењето. Може да забележите мала промена во текот на овулацијата, пред или после циклусот, ако сте дехидрирани, ако сте пиеле антибиотици или ако земате контрацепција. Но ако постои изразен и многу силен мирис, можно е да се работи за бактериска инфекција која треба да се лекува. Немојте да користите производи кои го освежуваат мирисот на вагината, бидејќи не е природно таа да мириса на ружи или друг цвет, советуваат гинеколозите.