Грчеви, акни, болка во градите… Сето ова, но и промени во мозокот, е последица на скршено срце

До денес спроведени се бројни студии кои докажале дека скршеното срце буди исти механизми во мозокот кои се будат кај лица кои од нешто се зависни и имаат апстиненцијална криза.

За многумина таквото искуство е траума која може да остави и бројни непријатни последици, па дури да влијае на дисбаланс на хормоните и пораст на стресот. Да, скршеното срце не е само фраза, туку навистина се случува во животот.

Синдромот на скршено срце предизвикува слични симптоми како и кај инфарктот, а тоа се болка во градите, отежнато дишење, аритмија и ширење на болката во левата рака. Симптомите може да се јават многу брзо по стресното случување.

Како да знаете дали се работи за инфаркт или скршено срце?

“Дијагнозата се поставува со исклучување на срцев удар, со коронарографија, односно радиолошка метода на приказ на крвните садови на срцето која покажува уредни срцеви артерии со некои промени на стегање на срцевиот мускул и со многу благи знаци на оштетување на срцевиот мускул во лабораториските наоди кои се целосно спротивни со големината на губење на мускулната функција. Освен тоа, тука е многу важен и податокот за претходен психички и емоционален стрес“, појаснува кардиологот д-р Дражен Шебетиќ.

Скршеното срце не е само фраза, туку навистина се случува во животот.

Кожни проблеми и промени во мозокот

Една студија, спроведена на Универзитетот Форест покажала дека болен прекин, раскинување може да предизвика и кожни проблеми, дури и кај лица кои не се склони на тие проблеми, Грчеви во стомакот и болни мускули се исто така дел од “пребројувањето“.

Според психологот Гај Винч, поради количината на болка која личноста ја чувствува, мозокот го менува своето опкружување, за полесно да се носи до тоа. Ако не се заштити доволно, последиците на прекинот може да нанесат сериозна штета на лицето кое страда, оти влијае на способноста за фокусирање и извршување на дневните активности.