Наутро во нашиот организам се случуваат разни процеси, кои често не ни се допаѓаат и не се баш пријатни, но изгледа дека, според мислењето на стручњаците, токму тие се показател дека здравјето ни е добро.
„За време на првите 30 минути по будењето телото се рестартира. Температурата и крвниот притисок растат, а хемикалиите и невроните се прилагодуваат на промените. Може да ви се пристори дека некои од процесите кои се случиле додека сте спиеле се ’грди’, но токму тие се показател дека здравјето ви е добро“, тврди доктор Дејвид Грунер.
Оваа материја која се создава во очите после спиење може да биде малку непријатна, но ако ја имате доста тоа само значи дека вашите очи самите се штитат дури и кога спиете.
„Материјата која се наоѓа околу вашите очи кога ќе се разбудите е резултат на комбинацијата на прашина, клетки кожа и природна слуз“, вели доктор Грунер. „Кога сте будни овие честички се испираат со солзите, но кога спиете тие се таложат и појавата воопшто не е страшна.“
- „Голема“ столица
„Големото утринско движење во цревата е непријатен знак дека вашето тело функционира баш како што треба. Вашиот метаболизам е регулиран, а дигестивниот систем ви е здрав, а телото го прави она што би требало“, тврди стручњакот за здравје Кејлеб Бек.
- Првут на кожата
Не паничете ако кога ќе се разбудите забележите мртва кожа на перницата или постелнината. Вашата кожа само се регенерира!
„Можно е да најдете доста кожа на постелнината наутро. Клетките на вашата кожа константно се регенерираат, а овој процес во текот на ноќта е засилен“, вели доктор Грунер.
- Утрински здив
Лошиот утрински здив не треба да ве плаши и вознемирува, затоа што тоа е само уште еден знак дека во устата се случува здрава реакција.
„Плунката која ја отстранува бактеријата која предизвикува лош здив се зголемува во текот на ноќта. Резултат на ова е сувата уста и бактериите насобрани на забите и јазикот кои предизвикуваат лош здив“, тврди Грунер. Затоа се додека практикувате добра орална хигиена после будење, не плашете се. Малку лош здив штом ги отворите очите е здраво.
- Темна урина
„Вашето тело се ослободува од хормоните додека спиете за бубрезите да се одморат. Тоа значи дека ако наутро мокрите и вашата урина е потемна тоа значи дека бубрезите доволно ви се одмориле додека сте спиеле“, вели Бек. Водете сметка во текот на денот да пиете доволно вода.
- Испуштање гасови
Ова може да е непријатно доколку не живеете сами, но имајте го предвид фактот дека сепак е добар знак за здрав дигестивен систем.
„Испуштањето гасови наутро значи здрав дигестивен систем, што значи дека, веројатно, јадете доволно овошје и зеленчук во текот на денот“, вели доктор Џенет Нешиват. Малку гасови се знак на благодарност од вашето тело што го третирате добро.
- Создавање слуз
Ако штом ги отворите очите имате потреба да го издувате носот или да го прочистите грлото, тоа само значи дека вашето тело е во состојба да произведе слуз која во текот на ноќта го штити телото од влегувањето на лошите честички.
„Создавањето на слузта е знак дека вашето тело се чисти од разно-разните алергени од носот, синусите или грлото од можните воспаленија или алергии. Ова е потврда за силен имун систем кој е способен сам да се штити“, тврди доктор Нешиват.
- Подригнување
Ова е, исто така, знак за добар дигестивен систем.
„Во текот на ноќта стомакот работи за да ја свари целата храна и затоа може да дојде до насобирање гасови. Затоа наутро нормално е да се исфрли воздухот кој се насобрал во текот на ноќта“, објаснува гастроентерологот Џина Сем.
