Тестостеронот е најважниот машки полов хормон. Одговорен е за развојот на момче во маж за време на пубертетот, а неопходен е во текот на целиот живот за одржување на здравјето и квалитетот на животот на мажот. Тестостеронот се произведува во тестисите, од каде што влегува во крвта.
- Што е хипогонадизам?
Хипогонадизам (примарен и секундарен) е клиничка состојба, која се карактеризира со ниско ниво на тестостерон.
- Како ниското ниво на тестостерон влијае на организмот?
Нискиот тестостерон може да биде поврзан со многу симптоми како:
- намалена концентрација;
- депресија;
- губење на сексуалниот нагон;
- еректилна дисфункција;
- инсулинска резистенција;
- намалена мускулна маса и сила;
- зголемено ниво на телесни масти;
- намалена плодност;
- намалување на големината на гениталиите;
- остеопороза;
- намалена телесна влакнавост;
- валунзи со треперење;
- пореметување на липидниот метаболизам;
- неразвивање на секундарни полови карактеристики во пубертетот;
- анемија.
- Што се смета за ниско ниво на тестостерон?
За пациенти со тестостерон во серум понизок од 12 nmol/l се смета дека имаат низок тестостерон.
- Кои се причините за хипогонадизам?
Причините за примарен хипогонадизам се:
Вродени: нарушувања на хромозомите (Klinefelter синдром), ензимски нарушувања.
Физичка повреда на тестисите.
Компликација на други болести: дијабетес, затајување на бубрезите, болести на црниот дроб.
Причините за секундарен хипогонадизам се:
Вродени нарушувања.
Пореметување во работата на хипофизата.
Компликација на некоја друга болест: СИДА.
Која е користа на тестостеронската терапија?
Тестостеронската терапија може да:
- Ја врати сексуалната желба и моќ, да го подобри расположението и концентрацијата.
- Да го врати нормалното ниво на мускулна маса.
- Да ја подобри густината на коските и да ја спречи остеопорозата.
