ХИВ конечно под контрола – белгиски научници откриле каде се крие вирусот!

Сидата или синдромот на автоимуна дефициенција претставува последен стадиум на инфекцијата на ХИВ. Повеќе од 37 милиони луѓе во светот се инфицирани со тој вирус.

Белгиски научници од Универзитетската болница во Гент го открила скривалиштето на ХИВ што претставува важен чекор во искоренувањето на овој вирус.

„ХИВ вирсуот се крие во различни специфични клетки на телото и така може да биде под контрола (на лекарите). Доколку пациентот прекине да зема ХИВ инхибитори, вирусот би можел повторно да се јави во тие клетки и да предизвика негово понатамошно размножување“, навеле научниците од болницата во Гент.

Експертите сметаат дека ова откритие може да помогне во понатамошното истражување на вирусите додавајќи дека досега се мислело дека само клетките на имунитетот, кои активно се делат, се едни од одговорните за зголемување на „резервоарите на вирусите“.

„Ова зголемување не го предизвикува само еден орган или еден вид специфични клетки, туку неколку видови такви клетки во разни делови од телото, како што се крвта, лимфните јазли и цревното ткиво“, навеле научниците.

Белгиските експерти додале дека на тој начин е „добиена уште една битка против болеста која сега се смета за хронична, а повеќе не смртоносна благодарение на новите видови лекувања, кои и понатаму се мошне скапи“, и додале дека научниците се уште не ја добиле битката против ХИВ вирусот кој предизвикува сида.

Сидата или синдромот на автоимуна дефициенција претставува последен стадиум на инфекцијата на ХИВ. Повеќе од 37 милиони луѓе во светот се инфицирани со тој вирус.