По пет дена изолација и дополнителни пет дена носење маска, некои луѓе и понатаму ќе бидат позитивни на болеста, дури и кога периодот на изолација завршил.
АКО СТЕ ПОЗИТИВНИ И ПО ТИЕ 10 ДЕНА, ТРЕБА ЛИ ДА ОСТАНЕЅЕ ВО ИЗОЛАЦИЈА?
Центарот за контрола и превенција на болести не дава специфични насоки што да направите во ваква ситуација, но стручњаците низ светот сметаат дека ако симптомите се повлечат, вие не мора дополнително да бидете во изолација.
Д-р Моника Ганди, стручњак за заразни болести од Сан Франциско вели дека таа би се чувствувала безбедно во друштво на лице кое нма симптоми последните пет дена, а по изолацијата, па дури и ако е позитивно да тестот.
Следете ги насоките и носете маска уште пет дена по изолацијата, додава докторката.
Д-р Ганди вели дека периодот на инкубација за оваа болест трае околу 14 дена, а лицето се смета за заразно неколку дена пред да се појават симптомите или два дена пред позитивен тест, доколку нема симптоми.
Според насоките на ЦДЦ, лицата кои се позитивни на КОВИД треба да бидат во изолација 5 дена, а потоа, доколку симптомите се повлечат, можат да излезат од домот, но мора да носат маска уште 5 дена.
Претходно, ЦДЦ наведуваше дека едно лице може да биде позитивно на тест и до три месеци по инфекцијата, а некои лекари ќе речат дека е најдобро да се остане во изолација се додека тестот е позитивен. Но, д-р Стивен Кислер наведува дека не е неразумно постепено да се излегува од изолација, дури и ако тестот е сè уште позитивен.
Ова особено се однесува на оние кои се вакцинирани, кои немаат симптоми и носат маски. Докторот вели дека е сосема во ред да излезете од изолација ако сте внимателни во друштво со други лица.
Ако сте лично загрижени зошто тестот е позитивен толку долго, задолжително контактирајте го вашиот лекар.
АКО ТЕСТОТ Е ДОЛГО ПОЗИТИВЕН, ДАЛИ И ПОНАТАМУ СТЕ “ЗАРАЗНИ“?
На Универзитетот во Бостон спроведена е студија која открила дека лице може да го носи вирусот и 6 дена по првиот позитивен тест во 17 проценти од случаите.
Понекогаш резултатот од тестот е поврзан со видот на тестот. Лекарите велат дека ПЦР тестовите почесто го “фаќаат“ вирусот бидејќи се многу чувствителни, па може да бидете позитивен и на мртов вирус во носот – не можете да заразите други луѓе со него, но може да биде причина за позитивен тест. Доколку сте примиле бустер доза, лекарите наведуваат дека дури и не е неопходно да се тестирате неколку дена по изолацијата бидејќи сигурно не можете да го ширите вирусот.
“Доколку сте биле изложени, три пати сте вакцинирани, мислам дека нема потреба од тест по 7 дена. Ако сакате да бидете дополнително внимателни, можете да го направите десетти ден, но според она што го гледам, безбедни сте“, објаснува авторот на оваа студија.
