И рекле дека не може да има деца, но Џеси Џеј вели: Не се откажувам од желбата да станам мајка!

Британската пејачка Џеси Џеј неодамна на свој настап на обожавателите решила да им соопшти една вест, односно еден свој проблем со кој се бори веќе неколку години. Џеси открила дека нема да може да стане мајка!

За време на својот настап, пред изведбата на песната “Four Letter Word“ пејачката со светот решила да ја подели веста која и ја соопштиле пред четири години. На сегашната девојка на актерот Ченинг Тејтум и било кажано дека нема да може да има деца.

„Откако решив да ја споделам оваа вест со светот добив многу поддршка и охрабрување од сите вас. Ви благодарам“, напишала пејачката на социјалните мрежи.

Таа уште открила и дека и рекле оти и е потребна хистеректомија.

„Ми рекоа дека нема да можам да станам мајка, Исто така, ми рекоа и дека ми е потребна хистеректомија и големо количество лекови. Одбив хистеректомија и земам природни лекови и сум на посебен режим на исхрана. Не се откажав од мајчинството и правам се што можам за да ми се случи бременост, рекла Џеси и додала дека верува во чуда.

Ќе бидам мајка, а и вие ќе бидете. Верувам во чуда и ако ова не се случи природно тогаш не е судено на тој начин. Мајката се крие во сите нас и тоа не инспирира секој ден. Силни сме и јаки! Времето ќе го покаже сето останато“, рекла пејачката, на тој начин инспирирајќи илјадници жени ширум светот кои копнеат да го остварат својот сон – еден ден да станат мајки.