И тоа е можно: Пет здравствени проблеми кои може да се решат со плачење

Истражувањата покажале дека луѓето по плачењето имаат понизок крвен притисок и телесна температура, послаби отчукувања на срцето и изедначена работа на мозокот.

На плачењето често се гледа како знак на слабост. Но, ако ви се плаче, не ги задржувајте солзите, оти тие се изненадувачки добри за здравјето. Плачењето е физиолошка појава која ни овозможува да се ослободиме од акумулираните емотивни стресови и напнатост, со позитивен ефект за телото и за психата. И секоја задржана солза, велат научниците, се претвора во потенцијална штета за организмот.

Еве како плачењето може да помогне:

  • Го намалува нивото на стрес

Студија покажала дека плачењето може да помогне за време на стресниот период. Резултатите не се гледаат веднаш, но веќе по неколку минути телото почнува да се опушта. Плачењето го активира парасимпатичниот нервен систем, поради што плачењето има смирувачки ефект на мозокот.

  • Го намалува крвниот притисок

Високиот притисок може да доведе до сериозни проблеми, како мозочен и срцев удар, деменција, па дури и откажување на бубрезите. Плачењето го намалува високиот притисок и го држи на здраво ниво.

  • Елиминира токсини

Солзите ги чистат насобраните нечистотии како чад и прашина. Кога плачеме, солзите исто така исфрлаат токсини кои се насобрани во телото поради стрес. На овој начин, се намалува и новото на кортизол и го доведува телото во подобро расположение.

  • Помага при промена на расположението

Наглите промени на расположението може да се појават од повеќе причини, а истражување покажало дека плачењето може да ја намали концентрацијата на хемиските соединенија кои инаку се врзуваат со нервозата, агресивноста, емоционалната вознемиреност и загриженоста.

  • Помага при болка

Кога поднесуваме физичка болка, може ненамерно да пуштиме неколку солзи. Тоа е начин со кој телото се обидува да го намали чувството на болка. Истражувања откриле дека плачењето доведува до опуштање на ендорфин и окситоцин, хемикалии поради кои се чувствуваме добро. Тие исти така може да ублажат телесна и емоционална болка.