Борбата за потомство стана секојдневие за многу двојки бидејќи заради многу здравствени проблеми и начинот на живот не можат да добијат бебе. Лорен Варенфорд, која имала 18 абортуси и потрошила 90 илјади евра на вештачко оплодување, успеала да се оствари како мајка во 48 година од животот и на својот сопруг Марк (55) да му подари дете после 16 години борба!
„Дури после 16 години лекарите откриле што не е во ред. Дијагностицираа дека имам „клетки убијци“ кои го напаѓаат и уништуваат ембрионот кој е стар само неколку недели. Одлучивме да престанеме да се обидуваме во 2010 година затоа што секој пат кога ќе забременев бременоста се завршуваше до 14 недела. Постојано се надевав и се разочарував. Не можев да престанам да плачам секој пат кога ќе се случеше абортус. Повеќе не можев да поминувам низ тоа. Но 5 години подоцна решив да си дадам последна шанса и да појдам на донација на ембриони во Чешка во 2015 година. Тогаш се случи вистинско чудо, забременив и успеав да го родам синот Вилијам во 37 недела со царски рез. 18 долги години откако почнавме да работиме на бебе. Сега често не нарекуваат негови баба и дедо, но ние сме пресреќни што конечно имаме наше дете“, раскажува таа и додава: „18 абортуси и 90 000 евра. Вредеше. Повеќе не сум млада и не можам да трчам по него додека си игра, но се вредеше. Сега сме совршено семејство, а јас конечно се чувствувам исполнето“.
