Имате испакнатини и јазолчиња на јазикот? Тоа е проблем, појдете на лекар!

Промените на јазикот може да бидат предизвикани од повеќе причини, од стрес до пад на имунитетот. Како и забите, косата, кожата и ноктите, и јазикот многу открива за вашето здравје, односно покажува што му недостасува на организмот.

Една работа на која особено треба да внимавате се јазолчињата на јазикот, тие не мора да значат ништо, но можат и да укажат на здравствен проблем.

Што се израстоците, испакнатините на јазикот?

Најчесто се „лажни“ испакнатини. Другото име за нив е ’минливо’ воспаление на папилите на јазикот. Тоа се натечени, ситни испакнатини на површината на јазикот. Сами по себе не се толку опасни, но може да се резултат на други здравствени проблеми. Иако причината не е потполно јасна, се работи за воспаление кое може да е резултат на вирусни инфекции, стрес, храна со висока киселина, алергии на храна или некои трауми на јзикот.

За лекувањето треба да се најде причината, но се препорачува одбегнување на зачинета храна, испирање на устата со солена вода, миење на забите после секој оброк и користење вода за испирање на устата за да се намалат бактериите во устата. Најчесто траат два до три дена.

Постои цела низа други причини за нивната појава

Доаѓаат во различни облици. Исечениците на јазикот или длабоките бразди на површината обично имаат врска со Сјогреновиот синдром, автоимуно пореметување, кое, исто така, предизвикува суви очи и сува уста, како и Дауновиот синдром, а потоа и воспаление на јазикот. Овие бразди или испакнатини се безопасни, но оралната хигиена е пресудна ако веќе ги имате. Чистењето на јазикот спречува иритација и евентуално лош здив кој е резултат од собирањето храна.

Луѓето со бели дамки, дамки слични на плик или израстоци може да имаат болест како леукоплакија, а тоа се задебелени, бели и црвени ранички во устата, на внатрешната страна на образите, непцата и долните делови на устата, се појавуваат израстоци и на јазикот. Таа често се јавува кај луѓето кои пушат или џвакаат тутун, затоа што тоа го иритира јазикот. Ако мислите дека имате леукоплакија, прво би било добро да направите биопсија за да се исклучи ракот.

Други можни причини вклучуваат од вирусите ЕВБ и херпес, до ХПВ. Оние со ЕВБ би можеле да имаат орална леукоплакија, бели, понекогаш и „влакнести“ дамки по јазикот, а луѓето со ХПВ може да имаат истакнати папиломи. Оние, пак, кои боледуваат од херпес имаат воспалени меурчиња на јазикот, нешцата или устата.

Најлошо сценарио

Иако е реткост, но испакнатините на јазикот може да се знак за орален карцином. Ракот на јазикот често се формира како испакнати бели дамки кои не болат. Потполно формираните тумори често изгледаат како чир, лесно крвават и се со розова или црвена боја. Секоја промена на јазикот која е трајна, болна, цврста, крвави или расте треба да се провери кај лекар.