Вирусите природно ја покренуваат одбраната на организмот, а температурата до 38 степени е знак дека ораганизмот ја почнува својата борба со инфекцијата. Со намалување на температурата со лекови се намалува и одбраната на организмот, а на тој начин само се продолжува болеста. Само доколку температурата е повисока од 38,5 степени треба да се користат лекови, истакнуваат вирусолозите.
Земањето „аспирини“, исто така, неповолно може да влијае на текот на болеста, предизвикувајќи потешки компликации, кои доведуваат до привремени невролошки симптоми, односно оштетувања на централниот нервен систем.
До ваков несакан исход доведува комбинацијата на „аспирини“ и вируси, при што вирулентноста, односно инфективноста на вирусот се менува правејќи го поопасен.
