Т-клетките, како и антителата, се составен дел од човековиот имунолошки одговор на вирусните инфекции поради нивната способност директно да целат и да убиваат заразени клетки. Нова студија открила присутност на имунолошки Т-клеточен имунитет кај лица кои се опоравиле од КОВИД-19 и од САРС, како и кај некои здрави испитаници кои никогаш не биле заразени со ниту еден вирус.
Студијата која ја спровеле научници од Медицинската школа Duke-NUS во соработка со колеги од Сингапур, објавена е во стручното списание Nature.
Наодите сугерираат дека инфекцијата и изложеноста на коронавирусите поттикнуват долготрајно помнење на Т-клетките, што би можело да помогне во управувањето на моменталната пандемија и во развојот на вакцина против КОВИД-19.
тимот тестирал испитаници кои се опоравиле од КОВИД-19 и кај сите откриле присутност на Т-клетки специфични за SARS-CoV-2. Тоа сугерира дека Т-клетките играат важна улога во оваа инфекција. Се покажало и дека пациентите кои пред 17 години се опоравиле од САРС се уште поседуваат Т-клетки специфични за вирусот и покажуваат имунитет на SARS-CoV-2.
“Нашиот тим исто така тестираше и неинфицирани здрави поединци и пронајдоа SARS-CoV-2 специфични Т-клетки кај повеќе од 50 проценти од нив. Тоа би можело да биде последица на вкрстен реакциски имунитет добиен од изложување на други коронавируси, како оние кои предизвикуваат настинка или моментално непознати животински коронавируси. Важно е да се разбере дали тоа може да објасни зошто некои поединци подобро ја контролираат инфекцијата“, вели главниот автор на студијата проф. Антонио Бертолети.
“Знаеме дека Т-клетките играат важна улога во имунолошкиот одговор на вирусните инфекции, но се уште не разбираме многу нешта. Се надеваме дека ова откритие ќе не доближи до создавање на ефикасна вакцина“, потенцира проф. Џени Лоу.
Тимот има намера да ја прошири студијата на поголем број изложени, неинфицирани испитаници за да може да испитаат дали Т-клетките да штитат од КОВИД-19 или да го променат текот на инфекцијата.
