Еден од најнепријатните моменти за време на летото е прекумерното потење и непријатниот мирис што доаѓа со него. Луѓето постојано се прашуваат како да се ослободат од овој проблем и истражуваат секакви методи.
Но британските експерти сметаат дека конечно нашле трајно решение. Тие создадоа дезодоранс којшто максимално го блокира мирисот на потта предизвикан од специфични протеини. Научниците успеаја да ги идентификуваат протеините одговорни за ширење на лошиот мирис на пот.
Развојот е претставен од специјалисти од универзитетите во Јорк и Оксфорд. Тимовите ја преиспитаа самата идеја за функционирање на дезодорансите и спрејовите. Овие производи се дизајнирани да не го сокријат непријатниот мирис, туку да го блокираат. На тој начин, активните честички неутрализираат некои ферменти и транспортни протеини кои го шират лошиот мирис.
Експертите наведуваат дека повеќето анти перспиранти како препарати се неефикасни бидејќи привремено го потиснуваат мирисот на човечкото тело. Според научниците, новата генерација на дезодоранси може дури и да немаат мирис, бидејќи веќе нема да биде неопходно да се маскира непријатен мирис.
