Интервју со д-р Билјана Костовска: Со ласерска интервенција, диоптријата се отстранува за помалку од пет минути

Ласерската корекција на диоптрија е еднодневна хиругија, пациентот не лежи туку веднаш си заминува дома по интервенцијата само со очила за сонце.

Пишува: Сања Наумовска/sanja@panacea.mk

Ласерска корекција на диоптријата е мeтода за отстранување на диоптерот која ја имаат направено над 50 милиони луѓе во светот, користејќи ги нејзините предности како сигурноста, безболноста и трајноста. Ласерската корекција е многу брза метода со која за неколку минути се надминува потребата за носење очила или контактни леќи. Ризиците кај оваа процедура се минимални и се состојат во остаток на диоптрија односно хипо или хиперкорекција, а не постои можност за губиток на видот.

За сите аспекти на ласерската корекција на видот разговараме со д-р Билјана Костовска, офталмохирург


Д-р Костовска, каква постапка е ласерската корекција на диоптрија?

Д-р Костовска: Ласерската корекција на диоптрија е неинвазивна процедура при која се употреба ласер за да се избруси диоптријата кај пациентот. За ремоделирање на рожницата на ласерот му се потребни помалку од 2 секунди за диоптер. Самата интервенција е целосно безболна, безбедна и брза, а резултатите се видливи веднаш.

Ризиците се минимални и се состојат во остаток на диоптрија односно хипо или хиперкорекција, суво око.

Во кои случаи може да се примени оваа процедура?

Д-р Костовска: Оваа интервенција е сосем безболна бидејќи се ремоделира само предниот сегмент на окото поради што окото се анестезира со капки и пациентот не чувствува никаква болка во окото. Оваа анестезија трае приближно половина час, а пациентот не треба да се грижи дали нејзиното дејствие ќе се намали додека трае интервенцијата. Интервенцијата завршува само 5 минути по капењето на анестезијата.

Дали изведувањето на ласерската корекција зависи од големината на диоптерот?

Д-р Костовска: Постои една груба диоптерска ширина од  -10.0 до +6.0, како и до ±6.0 цилиндри астигматизам, но тоа прилично зависи од дебелината на рожницата и нејзината закривеност. Има случаи кога и кај помала диоптрија, предлагаме друга метода како посигурна, но и случаи во кои и поголема диоптрија без проблем може да се отстрани.

Кои се ризиците во оваа постапка, а кои се предностите?

Д-р Костовска: Ризиците се секако минимални и се состојат во остаток на диоптрија односно хипо или хиперкорекција, суво око. Не постои можност за губиток на видот бидејки се работи само на предниот дел од окото.

Пред самиот преглед, многу е важно пациентите да мируваат извесен период од носење на контакни леќи за да „се одмори“ рожницата на окото од леќите.

Каков преглед се прави пред оваа интервенција?

Д-р Костовска: Прегледот за оваа интервенција се смета за eден вид систематски преглед на очите бидејќи се анализира секој дел од окото.

Кандидатот за оваа интервенција мора да има здраво око. Под здраво око се подразбира око чија позадина нема одредени аномалии или болести кои може да доведат до компликации на видот по интервенцијата.

Диоптријата и цилиндерот пак, влегуваат во групата на рефрактивни грешки кои се корегираат со ласер и не се сметаат за очна болест. Поради тоа, ласерската корекција се вбројува во групата на естетски интервенции.

Пред самиот преглед, многу е важно пациентите да мируваат извесен период од носење на контакни леќи за да „се одмори“ рожницата на окото од леќите. Да се манифестира реалниот цилиндер односно формата на рожницата без притисокот од леќата. Ако носи пациентот меки контакни леќи најдобро е да мирува од нив 3 дена, а полутврди и тврди контакни леќи 7 дена. Во меѓувреме може да носат очила за вид.

Нормални реакции по интервенцијата се малку заматен вид, пецкање, чувство на песок и чешање. Овие симптоми за краток период исчезнуваат, а капките кои се препишуваат помагаат во влажнење на окото и намалување на споменатите симптоми.

Прегледот временски трае од час до час и половина и се состои од:

  • Пополнување на прашалник за општата здравствена состојба на пациентот,
  • Задолжително читање на општите информации за ласерска интервенција,
  • Проверка на диоптрија, видна острина и очен притисок,
  • Снимање со пентакам (се прави 3Д анализа на окото и служи за воочување на одредени аномалии на окото за кои сѐ уште се немаат појавено симптоми),
  • Ширење на зеници со капки за проверка на очно дно и објективна диоптрија,
  • Разговор со тимот за сѐ што го интересира пациентот.

Како тече постапката при ласерската корекција на диоптријата?

Д-р Костовска: На денот на интервенцијата, на пациентот му се прави повторна проверка на диоптријата. Откако ќе се увериме дека пациентот е подготвен за тоа што следи, капнуваме локална анестезија во форма на капки и го носиме во оперативна сала.

Тој не чувствува никаква болка поради локалната анестезија, а во текот на интервенцијата си разговараме. Се сѐ одвива толку брзо, што пациентите имаат впечаток дека додека легнале, треба да станат. По завршување на интервенцијата, ги носиме во ординација каде ги пречекуваат придружба и одговорната медицинската сестра која детално го објаснува постоперативниот третман и ги испраќа дома само со очила за сонце.

Колку време трае опоравувањето и што подразбира?

Д-р Костовска: Ласерската корекција на диоптрија е еднодневна хиругија, пациентот не лежи туку веднаш си заминува дома по интервенцијата само со очила за сонце.

Следниот ден е првата контрола, додека после неколку дена е следната задолжителна контрола. Овие прегледи служат за да се следи стабилизрањето на видот и зараснувањето на флапот на рожницата. Нормални реакции по интервенцијата се малку заматен вид, пецкање, чувство на песок и чешање. Овие симптоми за краток период исчезнуваат, а капките кои се препишуваат помагаат во влажнење на окото и намалување на споменатите симптоми. Ограничувањата по оперативниот зафат се привремени, не траат долго. Во секој случај, многу се важни професијата и стилот на живеење на пациентите. Спортските активности се дозволени веќе по втората недела, а шминкањето по третата.

Во текот на првиот месец се примаат антибиотски капки и вештачки солзи, а веќе во следните месеци само вештачки солзи по потреба.