Како ги полните батериите? Поминувајќи го слободното време во друштво или вашиот избор секогаш е добра книга во топлината на сопствениот дом?
Секој од нас сака да поминува време во опкружување кое му создава пријатно чувство, па така некои од нас сакаат да запознаваат нови луѓе и друштва, додека поединци секогаш ќе се одлучат за добро познати места и ситуации.
Кои се главните карактеристики на екстроверт и интроверт:
На интровертот му е потребно време да се прилагоди во непознато друштво, тој сигурно не е главна ѕвезда на забава со непознати лица. Интровертот не сака кога очите на непознати лица се вперени во него, ниту пак сака муабетење, но тоа не значи дека нема што да каже.
Доколку ви е потребно друштво за да ги наполните батериите, ако самостојните активности не ви претставуваат уживање, ако сакате да сте опкружени со многу луѓе и уживате во ситуации кога сите очи се вперени во вас (во позитивна смисла), постои голема веројатност дека сте екстроверт.
За разлика од екстровертите, на интровертите не им е потребно друштво на други луѓе за да уживаат, додека за екстровертите е непоимливо е да не бидат во друштво.
Дружењето на две интровертни личности може да изгледа така да тие заедно уживаат во самостојни активности. А, исто така и со часови може да зборуваат за заедничка тема.
