Истражување: Оние кои едвај стануваат од кревет се попаметни!

Имаме среќна вест за сите оние на кои им е омилено копчето „snooze“ кога наутро им ѕвони алармот. Според истражувањето чии автори се Сатоши Каназава и Каја Перина, луѓето кои ја користат оваа опција се поинтелектуални.

Објаснување?! Ако не се будиш на првото ѕвонење на алармот, ти всушност ги слушаш потребите на своето тело, а тоа значи, тврдат стручњаците, дека веројатно ќе ги следиш своите амбиции и своите проблеми ќе ги решаваш самостојно. Каназава и Перина додаваат дека оваа навика ги прави луѓето покреативни, но и понезависни.

Друго истражување, пак, покажало дека луѓето кои си легнуваат после 23 часот, а се будат после 8 часа заработуваат повеќе и се генерално посреќни.

Сепак, и покрај овие резултати добро е да се знае дека не смее да се претерува зашто премногу сон може да има спротивен ефект. На возрасните луѓе за да го одржуваат здравиот начин на живот им се потребни 7 до 9 часа сон.

Заклучок: Доколку сакате да си поспиете и го одложувате алармот не сте мрзеливи, туку  попаметни!