Истражување: Парите буквално може да доведат до прерана смрт

Според резултатите од студијата, чии резултати се објавени во списанието на Американското здружение на кардиолози, непостојаниот прилив на приходи може да го дуплира ризикот од прерана смрт, особено како последица од кардиоваскуларни болести.

Работата е важна не само вкупниот квалитет на живот, туку е и еден од клучните елементи на здравјето, покажале последните истражувања. Попрецизно, може да се каже дека материјализмот на денешниот свет го зема својот данок.

Според резултатите од студијата, чии резултати се објавени во списанието на Американското здружение на кардиолози, непостојаниот прилив на приходи може да го дуплира ризикот од прерана смрт, особено како последица од кардиоваскуларни болести.

“Изненадно и непредвидливо намалување на личниот доход во младиот возрасен животен период се поврзува со зголемениот ризик од развој на срцеви болести и/или смртен исход предизвикан од други причини“, се наведува во резултатите од истражувањето.

Кога во 1990 година се започнала студијата, истражувачите ги земале предвид податоците од претходни истражувања за кардиоваскуларните болести меѓу лица во млада возрасна доба – од 23 до 35 години. Здравстевната состојба на поединци, а ги имало 4.000 се следи и денес.

Поврзаност помеѓу приливот на средства и здравјето

Собраните информации упатуваат на поврзаност помеѓу приливот на приходи и здравјето на поеднците. Главниот автор на студијата, Тали Елфаси од Медицинскиот факултет при универзитетот во Мајами вели дека “нестабилноста на приходите претставува се поголема закана за здравјето“, со оглед на тоа дека социјалните служби кои треба да пружат помош и да претставуваат сигурност за поединците се соочуваат со постојани кратења на парите.

“Иако оваа студија е од опсервациска природа и не ги одразува резултатите на конкретната проценка на социјалните програми, нејзините резултати укажуваат на тоа дека големите негативни промени поврзани со финансиските приходи може да бидат штетни за здравјето на срцето и без сомнеж може да придонесат за прерана смрт“, заклучува Елфаси.