Ново британско истражување покажало дека тестовите за новиот коронавирус се толку чувствителни што може да откријат траги на неактивни вируси на инфекцијата која поминала пред повеќе недели, што би можело да резултира со лажно позитивни резултати кои ги зголемуваат размерите на пандемијата.
Научниците од Универзитетот Оксфорд велат дека повеќето лица се заразни само една недела, но тестовите може да покажуваат позитивен резултат и недели подоцна, што значи дека бројот на моментално заразени може да биде многу помал отколку што се смета.
Еден од авторите на студијата, проф. Карл Ханеган смета дека тестовите на КОВИД-19, наместо резултат “позитивен/негативен“, треба да имаат праг кон нема да покажуава позитивен резулѕат ако вирусот е присутен во многу мала количина.
Тој верува дека остатоците од делови на некативни вируси, може делумно да појаснат зошто во некои земји во моментов е во пораст бројот на заразени, додека бројот на пациенти во болниците стагнира.
ЛАЖНО ПОЗИТИВЕН РЕЗУЛТАТ
Кога се спроведува тест на новиот коронавирус, се добива резултат “позитивен/негативен“. Притоа, нема показатели колку вирус има во примерокот и во колкава мера е тој активен. И лице кое во себе има голема количина вирус и она лице кај кое се останати само фрагменти на вирусот од инфекцијата која веќе поминала, ќе добијат ист – позитивен резултат. Со оглед дека не е можно да се провери секој тест за да се утврди постои ли се уште активен вирус, веројатноста за појава на лажно позитивни резултати може да се намали кога научниците би откриле каде би требало да се постави прагот и на тој начин би се спречило луѓето да добиваат позитивни резултати на основ на податоци за прележаната инфекција.
Проф. Ханеган вели дека постојат се повеќе докази според кои најголемиот број “нови“ поблаги случаи и лица кои се повторно позитивни по карантин или отпуштање од болница, не се заразни, туку дека нивниот организам едноставно ги отстранува безопасните честички од вирусот со кои нивниот имун систем ефикасно се носел.
