ИСТРАЖУВАЊЕ: Зборувањето е значаен начин на ширење на коронавирусот

Микрокапките кои ги произведува човекот додека зборува можат во затворен простор да останат во воздухот повеќе од 10 минути, покажала студија објавена оваа недела, која укажува на веројатната улога на тие капки во ширење на КОВИД-19.

Научниците од американскиот Национален институт за дијабетес, дигестија и болести на бубрезите (NIDDK) проочувале испитаници додека гласно ги поторувале зборовите “останете здрави“ во тек на 25 секунди во затворена кутија.

Со ласер ја осветлувале аеросолта што испитаникот ја произведувал во тек на зборувањето, како би ги виделе и пребројале микрокапките. Микрокапките останувале во воздухот просечно 12 минути, покажало истражувањето објавено во списанието Proceedings of the National Academy of Sciences of the United States of America (PNAS).

Земајќи ја предвид познатата концентрација на коронавирусот во плунката, научниците процениле дека секоја минута гласно зборување може да произведе повеќе од 1000 микрокапки кои содржат вируси и кои може да останат во воздухот осум и повеќе минути во затворен простор.

“Визуализацијата покажува како нормалниот говор создава микрокапки кои може да останат во воздухот десетици минути или повеќе и имаат значајна способност за пренесување на болеста во затворен простор“, заклучиле научниците.

Истиот тим во труд објавен во април во списанието New England Journal of Medicine вече утврдил дека потивкиот говор поризведува помалку микрокапки.

Ако заразноста на КОВИД-19 преку разговор се потврди, тоа би дало научно втемелување на препораките за носење на маски за лице кои со воведени во многу земји и би помогнало во објаснувањето зошто коронавирусот така брзо се шири.

Некои стручњаци за ширење на вирусот сметаат дека тој може да се шири само ако сте во близина на заразено лице кое кашла или кива и вдишите негови микрокапки.