Нова италијанска студија објавена во списанието Nutrition and Diabetes ја открила врската помеѓу консумирањето тестенини и телесната маса. Во истражувањето учествувале 23 500 испитаници од различни возрасти и социјален статус, а се бележеле нивните прехранбени навики и се споредувале со индексот на телесна маса и мерките на обемот на струкот и на колковите.
Резултатите биле изненадувачки, а покажале негативна поврзаност помеѓу количината на изедените тестенини и дебелината. Со други зборови, колку повеќе испитаниците јаделе тестенини, веројатноста дека ќе имаат проблем со вишокот килограми се намалувала.
Овие резултати се во спор со традиционалните верувања дека тестенините дебелаат. Дури и Италијанците, познати љубители на тестенини поради тоа верување, во последните години ја намалија консумацијата. Модерната диета која пропагира низок внес на јаглехидрати и висок внес на протеини ја потисна тестенината како намирницa од менито, а позната е нејзината незаменлива улога во исхраната на луѓето од тоа подрачје уште од средниот век.
Научниците не можеле да ги објаснат резултатите од ова истражување, меѓутоа претпоставуваат дека врската помеѓу внесот на тестенини и витката линија можно е да се објасни со фактот дека со тестенините се служат намирници за кои е познато дека се корисни при слабеењето, како што е доматот, лукот, кромидот и маслиновото масло.
