Офталмолозите тврдат дека од 34 милиони корисници на контактни леќи во САД, огромен процент страдаат од непотребни проблеми и тегоби, кои всушност лесно може да се спречат.
Еве неколку совети кои ги дава д-р Пол Цимерман, професор од Јута универзитетот и член на одборот за катаракта и рефрактивна хирургија.
Ако имате матен вид, болка, непријатност, отоци или црвенило, отстранете ги леќите и известете го докторот за тоа. Носете ги само оние леќи кои докторот ви ги препишал, бидејќи непрописното носење леќи, дури и оние без диоптрија, може да предизвика сериозни проблеми.
Заменете ги леќите по истокот на рок на трајност, бидејќи нездрави депозити се таложат на леќите со тек на времето.
- Редовно одете на очни прегледи;
- Извадете ги леќите пред спиење;
- Измијте ги рацете со сапун пред вадење и ставање на леќите;
- Користете раствори за чистење, плакнење и дезинфекција или капки за очи кои ви ги препорачал докторот;
- Мокрењето на леќите со вода од чешма или плунка може да доведе до појава на инфекција на окото;
- Избегнувајте допирање, а со тоа и контаминација на врвот од шишенцето со растворот за вашите леќи.
Редовно мијте ја кутијата во која ги чувате леќите, а потоа оставете ја самата да се исуши (не ја бришете со крпа). Ако користите шминка, употребувајте ги оние со натпис „хипоалергено” или „направено за носители на контактни леќи”.
