Алергиите се едни од најзастапените болести на модерното време. Во последниве години, сѐ поголем број луѓе реагираат на различни алергени од околината, иако никогаш порано не биле алергични на тој или на било кој друг алерген. Алергиите не бираат возраст, засегнати се и децата, каде што инциденцата се проценува на околу 30 проценти. Алергиите се најчесто наследни, па кај децата чии родители се склони кон алергии, многу е поголема веројатноста дека во некој дел од животот ќе станат алергични на нешто.
Превенцијата е најдобриот лек
Правени се испитувања на многу алергени кои се наоѓаат во домовите, за кои често луѓето и не се свесни дека постојат, како на пример животински влакна или домашна прашина. Истражувањето покажало дека мувлата е најголемиот и најопасен алерген кој може, доколку еднаш се вдиши, да биде тригер за појава на алергии и да води до појава на астма.
Затоа, исклучително важно е да се зачува чист воздухот во домот. Некои од советите на кои дефинитивно би требало да се придржувате се:
- редовно имајте чиста постелнина – пожелно е да се менува на една до две седмици, а редовно треба да се чисти и прашината од просторијата во која спиете
- средете ги книгите – иако тие честопати ни се најверните придружници, мора да се знае дека книгите се вистински магнет за прашина
- не дозволувате миленичиња да влезат во спалната соба- ова ќе биде исклучително тешко за некои сопственици кои се навикнати да им дозволуваат да спијат со нив, но тоа е неопходно за здравјето.
За жал, во последно време и класичното проветрување со отворање прозорец не е доволно, особено ако живееме во големи и загадени градови иили во близина на индустриски објекти. Отворањето на прозорец за да влезе свеж воздух во овие услови станува бесмислено. За среќа, денес има уреди кои во домот можат да создадат атмосфера на свеж воздух што ќе биде здрава и за телото и за духот.
