Симптомите на рак на бели дробови не се појавуваат во раната фаза од оваа тешка болест. Кога се појавуваат често се работи за упорна кашлица која не престанува со денови, впрочем и се влошува. Но, уште еден знак кој може да привлече внимание на малигно заболување е изгледот на лицето. Редовната отеченост, особено околу очите може да е сигнал дека во телото се развива опасна болест.
Лекарите истакнуваат дека карциномот на бели дробови предизвикува отекување на лицето и вратот доколку туморот ја притиска вената меѓу срцето и главата. Тој симптом се нарекува синдром на горна шуплива вена или опструкција на vena cava superior. Горната шуплива вена носи крв од главата и рацете кон срцето. Поминува покрај горниот дел од десното белодробно крило и лимфните жлезди. Сите тумори кои ќе се најдат на овој дел можат да го блокираат нормалниот проток на крв. Оваа вена можат да ја притиснат и карциномите на дојка, лимфомот, но и ракот на тироида или тимусната жлезда. Вената може да биде загрозена и од други пореметувања или заболувања.
Симптомите на опструкција на горната шуплива вена може да се развијат постепено или мошне брзо, а вклучуваат и отекување не само на лицето, туку и вратот, рацете, градниот кош и забрзано или плитко дишење. Симптомите заради кои треба да побарате помош вклучуваат и главоболка, црвенило на лицето или слузокожата на носот и устата, како и несвестица и вртоглавица. Ова е сериозна состојба и може да има смртен исход.
