Восокот кој се наоѓа во ушите има заштитна функција, а неговиот изглед може да открие каква е вашата здравствена состојба. Восокот ги штити и навлажнува каналите во увото и содржи специјални хемикалии кои се борат против инфекции кои можат да ја оштетат кожата внатре во увото. Восокот може да се разликува по боја, текстура и мирис. Одредете ја бојата и погледнете што тоа може да значи.
Зелен восок: Нема за што се грижите бидејќи оваа боја не е симптом за некакво заболување. Ако живеете во град каде воздухот е загаден и полн со смог, бојата на восокот знае да поприми зелена боја.
Крвава трага во восокот: Ако забележите траги на крв можеби сте го оштетиле ушното тапанче, а во тој случај тоа е подложно на воспаленија поради кои може да настрада и слухот.
Кафеникав восок: Се смета дека оваа боја на восокот упатува на тоа дека сте проживеале многу стресен период. Ако забележите кафеникав восок, најдобро е да земете неколку дена одмор или боледување и да проверите дали во тој период бојата ќе се смени.
Белиот восок упатува на недостаток на витамини во телото, особено железо и бакар. Се советува преку исхраната да се внесуваат дополнителни количини од овие нутриенти.
Восок со непријатен мирис: Големи се шансите дека станува збор за инфекција на увото. Ако дополнително имате чувство дека нешто ви „пука“ во увото, задолжително побарајте лекарска помош.
Водест восок: Нормално е восокот да биде компактен, а ако забележите во него течност, веројатно, се работи за почеток на инфекција.
Црн восок: Нема причина за загриженост, но доколку увото постојано ве чеша, посетете лекар бидејќи можеби се работи за габично заболување.
