Аспирин или ибупрофен
Ако се чувствувате еднакво лошо како што и изгледате, слободно земете нешто што ги ублажи болките. Аспиринот или ибупрофенот имаат противвоспалително дејство и делуваат така што го ублажуваат отокот, болката, црвенилото и канцерогениот ефект на изгорениците непосредно откако сте изгореле.
Хидратација
Земете лист алое вреа и исцедете го сокот на раната. Најдобро е да го користите во форма на гел зашто тој дополнително ќе ја разлади кожата, ќе го ублажи чешањето, иритацијата и воспалението. Ако немате алое вера, ќе помогне и краставица. Ставете ја во блендер, а смесата ставете ја на изгорената кожа. На тој начин кожата ќе ја рехидрирате и ќе и помогнете побрзо да се оправи.
Крема за сончање
Ако веќе сте изгореле, не значи дека не можете уште посилно да изгорете. Кожата ви е оштетена, слаба е и состојбата може лесно да и се влоши. Со крема за сончање ќе спречите дополнителни изгореници, а кожата ќе се навлажни и ќе ги олесните симптомите.
Отстранете ја мртвата кожа
Кога ќе се повлечат симптомите, следно што треба да се направи е да се отстранат мртвите клетки од кожата. Во тоа ќе помогне алфа хидроксилната киселина. Ќе стимулирате создавање нова здрава кожа и ќе ја отстраните мртвата.
Крема со ретинол
Сонцето го уништува колагенот, а кожата ја прави поеластична, додека ретинолот (дериват на витаминот А) го поттикнува создавањето на колаген. Нанесувањето креми со ретинол би требало да го обноват колагенот откако изгорениците ќе се излечат.
