Според најновото истражување во Израел, поголемиот процент од лицата кои примиле и трета доза Фајзер вакцина против КОВИД-19, имале слични, но бројчано помалку реакции во споредба со вакцините кои претходно ги прмиле.
Поголемиот дел од луѓето кои примиле трета доза вакцина против новиот коронавирус, на компанијата Фајзер, почувствувале нуспојави кои се слични или помалку отколку по примање на втората доза, покажало иницијално истражување во Израел.
Израел пред десетина дена почна да нуди ревакцинирање со трета доза вакцина на лица постари од 60 години, во рамките на напорите да се забави ширењето на многу заразната делта варијанта на вирусот. Тоа го претвори Израел во полигон за испитување на третата доза, пред одобрување од Агенцијата за храна и лекови во САД (ФДА).
Најголемаа израелска здравствена установа Клалит, завчера информираше дека трета доза вакцина Фајзер примиле над 240.000 лица.
Околу 4.500 лица кои примиле трета доза од 30 јули до 1 август, одговориле на прашањата и биле вклучени во истражувањето.
Осумдесет и осум проценти од учесниците во истражувањето изјавиле дека во деновите откако ја примиле третата доза се чувствувале “слично или подобро“ во однос на тоа како се чувствувале по примање на втората доза. Триесет и еден процент пријавиле некои несакани реакции, а најчеста била болка на местото на вбризгување на вакцината.
Околу 0,4 проценти од испитаниците рекле дека страдале од потешкотии со дишењето, а еден процент дека побарале лекарска помош поради една или повеќе нуспојави.
Ран Балицер, раководител на истражувачкиот оддел во Клалит вели дека резултатите, иако се “почетни и самопријавени“, дозволуваат споредба на несаканите реакции од втората доза, а “излегува дека тие во повеќето случаи се слични или помалку при третата доза“.
“Иако се уште немаме долгорочни истражувања за ефикасноста и безбедноста на третата доза, за индивидуално управување со ризиците на било кое лице постаро од 60 години, овие наоди и понатаму укажуваат на придобвките од вакцинирањето, со претпазливо однесување мкеѓу возрасните и избегнување на собирања во затворен простор“, вели Балицер.
