ИЗРАЕЛСКА СТУДИЈА: Колку штити четвртата доза вакцина против КОВИД-19 во однос на омикрон?

“Резултатите од нашата студија во реалниот свет сугерираат дека четвртата доза вакцина, барем на почетокот, е ефикасна против омикрон варијантата“, велат научниците, додавакќи дека дополнителното следење ќе овозможи проценка на заштитата што ја нуди четвртата доза во тек на времето.

Четвртата доза Фајзер вакцина против КОВИД-19 обезбедува значајна дополнителна заштита од тешка болест, хоспитаизација и смрт во текот на најмалку еден месец кај повозрасните лица, покажала израелска студија спроведена во време кога доминантна била омикрон варијантата на коронавирусот.

Проценетата ефикасност на четвртата доза од 7. до 30. ден откако е примена во споредба со третата доза дадена најмалку четири месеци пред тоа, била 45% во обезбедувањето заштита од инфекција, 55% во обезбедувањето заштита од симптоматска болест, 68% во заштитата од хоспитализација, 62% во обезбедувањето заштита од тешка болест и 74% во заштита од смртен исход, информира научниот тим во списанието New England Journal of Medicine.

Студијата споредила 182.122 лица на возраст од над 60 години кои прииле четврта доза и исто толку многу слични лица кои примиле трета доза, но не и четврта.

“Резултатите од нашата студија во реалниот свет сугерираат дека четвртата доза вакцина, барем на почетокот, е ефикасна против омикрон варијантата“, велат научниците, додавакќи дека дополнителното следење ќе овозможи проценка на заштитата што ја нуди четвртата доза во тек на времето.

Голема израелска студија, објавена пред десет дена, која ја проучувала стапката на инфекција и потешки симптоми на болеста по четвртата доза, утврдила дека ефективноста брзо исчезнува во однос на заразата, но трае подолго како заштита од потешки болести.

Во таа студија, истражувачите откриле дека заштитата од развој на потешки форми на болеста не исчезнала ниту шест недели по примањето на втората доза на вакцината. Студијата опфатила 1,3 милиони луѓе на возраст од над 60 години.