Јадете ли додека седите или додека стоите? Гастроентеролог открива што е правилно

Дали сепак е поздраво да се јаде додека седиме? Еве што за тоа мисли гастроентерологот Пејтон Бероким.

Во брзање на сите ни се случува да јадеме “стоечки“, но дали некогаш сте се запрашале што тоа значи за вашата дигестија? Дали сепак е поздраво да се јаде додека седиме? Еве што за тоа мисли гастроентерологот Пејтон Бероким.

КАКО ВЛИЈАЕ НА ЗДРАВЈЕТО АКО ЈАДЕМЕ ДОДЕКА СТОИМЕ?

Според зборовите на лекарот, неколку мали промени се случуваат во дигестијата кога џвакаме и голтаме додека стоиме.

“Пред сè, треба да се напомене дека кога стоиме и јадеме, крвта ќе се спушти до нозете, едноставно поради гравитацијата, а тоа може да предизвика намален проток на крв во желудникот каде што е потребна за варење. Како резултат на тоа, дигестијата може не така совршено да работи, па може да доживеете надуеност и дигестивни проблеми“, открива тој, додавајќи дека сличен ефект се јавува и ако се движите веднаш по оброкот – доаѓа до побрзо варење и полоша апсорпција на хранливите материи. Но, тоа не е ништо за што треба да се вознемирувате.

Ако јадете стоејќи, веројатно и побрзо ќе џвакате и голтате што може да доведе до некои последици. Како што вели д-р Бероким, колку побрзо јадете, толку е поголема веројатноста да голтнете и многу воздух, а сите знаеме дека тоа води до надуеност. “Брзото, но недоволно џвакање и голтање може да доведе до грчеви во стомакот, бидејќи во тој случај на желудникот му треба повеќе време да ја разложи и да ја свари храната. Ако овој проблем ве мачи и не можете да најдете олеснување, лекарот советува да седнете кога јадете наместо да стоите и да внимавате на симптомите.

ШТО ЌЕ СЕ СЛУЧИ АКО СЕДИТЕ И ЈАДЕТЕ?

Кога седите додека јадете и си дозволувате време да уживате во јадењето, можете да очекувате неколку придобивки за вашата дигестија. Бидејќи џвакањето и голтањето храна во стоечка положба ќе предизвика некои несакани ефекти, како што е непријатно чувство во стомакот, малите промени може да го подобрат варењето. Но, д-р Бероким додава и дека во тој случај корист ќе има и менталното здравје.

Според една студија објавена во стручното списание Journal of Integrative Medicine свесното јадење ќе го задржи симпатичкиот нервен систем во доминација, што исто така ќе му помогне на автономниот нервен систем да функционира правилно. Со други зборови, стресот докажано ги попречува гастроентеролошките механизми, па може се каже дека цревата ќе испраќаат сигнали до мозокот, а тој исто така ќе испраќа сигнали до цревата кога ќе се најде во проблем. Може јасно да се заклучи дека желудникот или цревата кои не се добро може да се во оваа состојба затоа што сте депресивни, вознемирени или под стрес. Ова може да го забележите и кога чувствувате дека имате некои од гастроинтестиналните проблеми без некоја јасна физичка причина, а во овие ситуации е тешко да се третира варењето без да се размислува за стресот и емоциите што ве мачат. Така, свесното и бавно јадење во околностите кои нудат и целосно задоволство ќе помогне во правилното варење.