Качувањето по скали – корисно, но не за секого

Што е подобро: да се качите по скали или да користите лифт? Одговорот не е општ, иако повеќето се убедени дека качувањето по скали е корисно, но не се однеува на сите.

Ако имате потреба да ослабете или да се раздвижите, бидејќи работата ви налага да седите поголем дел од денот, тогаш со сигурност лифтот не се препорачува. Но има уште нешто кое треба да го знаете, а тоа е дека качувањето по скали не е толку здраво, колку што сметате дека е.

Добар мини тренинг

Да почнеме со доброто. Имено, ако сакате да се раздвижите и малку да ги истренирате мускулите, скалите не се никако лоша варијанта. Кога искачувате сакали ги користите мускулите на бутовите, нозете, задникот, па дури и на долниот дел на стомакот (ако го држите целото тело во правилен став).

Покрај тоа, циркулацијата на крвта се подобрува и затоа се оптимизираат сите процеси поврзани со циркулирањето во телото. Но, ако претерате со качувањето по скалите, ова физичка активност може да не се покаже и толку корисна. Иако тоа е добра опција во нашиот седентарен начин на живот, качувањето по скали е физичка активност која силно ги оптоварува колената. Па бидете внимателни да не претерате.

Разумна доза – одличен фитнес

Имајте предвид дека предупредувањето важи и за лица кои немаат утврдени проблеми со колената. Многу лица генетски имаат деформитети на колената, неправилна позиција или недоразвиена форма на капакот на коленото, која понекогаш се изместува од позицијата. Освен тоа, трошењето на ‘рскавицата кај лицата во повозрасни години е нешто сосема вообичаено. Долгото и продолжено качување на скали доведува до силно триење во коленото, што резултира со дополнителни проблеми.

Кој треба да внимава?

Лицата кои имаат прекумерна тежина дополнително го оптоваруваат коленото при кашување по скали и на тој начин се зголемува процесот на триење, што ги оштетува тетивите. Можните последици од ова оптоварување се потење, болка, а кај бремените жени може да доведе и до предвремено породување.

Дали симнувањето по скали е побезопасно?

Всушност – не. Кога се симнувате, оптоварувањето е различно, но понекогаш може да биде и поштетно. Ортопедите препорачуваат да не се искачуваат/симнуваат повеќе од три ката наеднаш.