Боите имаат многу значајна улога во животот, бидејќи влијаат на расположението и на здравјето. Секој од нас има свој спектар на омилени боли, но и бои кои не му одговараат.
Доживувањето на боите зависи од повеќе фактори: нијанси, видови на светлина (дневна или умерена, интензивна или пригушена), општото расположение, биоритамот или едноставно од потреби кои ги добиваме одвнатре дека одредена боја ни треба.
Црвената е оптимистична витална боја на активности, движење, борба, страсен живот. Оваа боја ги поврзува животот со храброста, жртвувањето, љубовта, силни чувства и страста. Црвената боја го зголемува тонусот на мускулите, го забрзува пулсот, го забрзува крвотокот, лачењето адреналин и работата на црниот дроб. Предизвикува подлабоко дишење. Може да предизвика и главоболки, па затоа не е препорачлива за нестабилно чувствителни луѓе.
Жолтата е боја на сонцето, светлоста и оптимизмот кој освежува, активира и ослободува од стравови. Одржува будност и поттикнува концентрација, ја симболизира креативноста и мудроста. Ја поттикнува моториката, а комуникативноста е нејзина важна карактеристика. На ѕидовите од станот и други површини ќе предизвика има позитивно влијание на расположението. Жолтата боја најдобро влијае на дишните органи, помага во лекување на психонервозата, го зголемува крвниот притисок и ја зголемува брзината на дишење.
Зелената боја е боја на здравјето. Со оваа боја се лекува заморот на нервите и хистеријата, бидејќи смирувачки делува на нервниот систем, ефикасна е при исцрпеност, може да ја ублажи и мигрената. За зелената боја е карактерично тоа што ги шири капиларите, го намалува крвниот притисок, поттикнува лачење на внатрешните сокови. Со оглед на тоа дека делува смирувачки најсоодветна е за бањи и спални соби.
Сината боја спаѓа во основните бои. Она е спротивност од жолтата. Симболика на синото се: мудрост, интелегенција, бесмртност, бесконечност, длабочина, возвишеност… Нејзините физиолошки ефекти се: ја смирува работата на срцето, го намалува ритамот на дишењето, смирува, ја поттикнува активноста на мозокот, концентрацијата, а се нарекува боја на мирот и одморот.
