Кога ушите се затнати тоа значи дека Евстахиевите цевки, кои се протегаат од средното уво до задниот дел на носот, делумно или целосно се затнати. Резултат – послаб слух, болка во увото и чувство на притисок.
Затнувањето може да се случи од повеќе причини – заради настинка, воспаление на синусите, промена на притисокот или насобирање восок.
Што да се стори?
Можеби првата идеја која ќе ви падне на памет е „пикање“ стапче за чистење уши што е можно подлабоко во увото и во сите насоки, но тоа не е добар потег. Восокот му е потребен на увото и го штити од инфекции, па не би требало баш во целост да се отстрани, а со предлабоко туркање може да се оштети и тапанчето.
„Ушите сами се прочистуваат и нема потреба на дневно ниво да интервенирате во нив“, објаснува доктор Џошуа Расел за womenshealthmag.com.
Се разбира, тоа не значи и дека треба да седнете и да чекате уште сами да се одзатнат. Д-р Џенифер Вајдер носи неколку корисни предлози и методи за одзатнување на ушите, а кои се потполно сигурни.
- Затнете го носот и со сета сила обидете се да издувате воздух низ него (помага и при затнување после летање со авион или нуркање);
- Кружно вртете ја вилицата истовремено обидувајќи се да голтнете плунка.
- Ако чувствувате притисок во синусите, може да помогне зевањето;
- Во случај ништо од наведеното да не помага, а затнувањето на да не поминува – побарајте лекарска помош!
