За почеток на организмот обезбедете му ја дневната доза на витамин Д – обидете се барем 15 минути во денот да поминете на свеж воздух, на сонце. Се разбира, не заборавајте и сега да користите креми и лосиони со заштитен фактор. Консумирајте намирници кои го содржат овој витамин како што се масна риба и јајца (жолчки).
Погрижете се во исхраната да вклучите намирници кои обилуваат со олигоелементи – магнезиум, селен, железо и бакар, кој го одржуваат имунитетот јак. Пример, овие нутритиенти ги содржи сувото овошје, морските плодови, зелениот зеленчук, семките и јаткастите плодови, како и одделни минерални води.
Доколку не сте алергични редовно користете мед и прополис, како и други пчелини производи, а препорачливо е да се користат и други намирници познати по поволното дејство на имунитетот, како што се лук и кромид, ројбос чај, зачини како ѓумбир, бибер, куркума, ким, оригано.
За освежување и прочистување на воздухот во просториите во кои престојувате можете да користите етерични масла, на пример, еукалиптус, кафарнфилче, лимон, лимета, оригано, бергамот и сл.
Потрудете се да спиете доволно – обидете се да одите на спиење и да се будите во исто време – добриот сон нека ви биде приоритет, со оглед на тоа дека за време на спиењето телото се регенерира и опоравува од дневниот стрес.
