Со оглед дека во бројни држави во Европа, мерките се попуштаат, многумина доаѓаат во искушение да отпатуваат во странство, да посетат музички фестивали и спортски случувања или да отпатуваат во некои летувалиште.
СЗО/Европа покрена кампања #SummerSence (Летна Претпазливост/Свесност), со совети како најдобро да се искористи топлото време со заштита од инфекција со КОВИД-19.
Искуството не научи дека прераното ублажување на епидемиолошките мерки може да доведе до пораст на бројот на заразени со КОВИД-19, а кое потоа води до нови затворања, непотребни смртни исходи и економски последици, вели д-р Ханс Хенри Клуге, регионален директор на СЗО за Европа.
“Иако дел од популацијата во европскиот регион е вакциниран, сепак сме далеку од вакцинирање на сите погодени лица, а ситуацијата летово е сè уште несигурна поради ширењето на неколку варијанти на вирусот.
Во моментов, во европскиот регион, повеќе од 15% од населението е вакцинирано против КОВИД-19, а тој број расте секојдневно. Меѓутоа, треба да се напомене дека лицата кои се вакцинирани не се автоматски заштитени од болеста и сè уште можат да го шират вирусот. Сепак, вакцинацијата ја намалува веројатноста за развој на тешка форма на болеста или смрт предизвикана од КОВИД-19. Затоа е важно да се охрабрат сите луѓе да се согласат на вакцинирање кога ќе им биде понудено.
Поучени од минатогодишната ситуација кога на есен, и по летното попуштање на мерките, имаше зголемување на заболени од КОВИД-19, СЗО / Европа, заедно со УНИЦЕФ и регионот на Централна Азија, започнаа со кампања #SummerSense. Целта на кампањата е да обезбеди луѓето уживаат во потоплите месеци и да избегнат инфекција со КОВИД-19, со што ќе ги поддржат напорите да се стави крај на пандемијата што е можно побрзо.
КАМПАЊАТА #SUMMERSENSE НАСОЧЕНА Е НА ЧЕТИРИ ГЛАВНИ ПОДРАЧЈА:
- Патување и туризам
- Спортски случувања
- Социјален живот, вклучувајќ собири, фестивали, венчавки и летувања
- Враќање во училиштата, кога децата и младите кон крајот на летото се враќаат во учлиштатата факултетите
Иако се повеќе лица се вакцинираат и одредени мерки се попуштаат, сега не е време за невнимание. Пандемијата се уште трае. Затоа, сега е време за #SummerSense.
