Лаптопите се алатка на секој вработен човек, кој сака и мора да биде во тек со модерните начини на живот и работа. Тој ни овозможува да бидеме мобилни и на работа и успешно да ги завршуваме обврските, но од друга страна се смета дека е еден од важните фактори за зголемен ризик за проблеми со грбот, вратот и рамениците.
Лаптопите стануваат сè попопуларни особено во последните години кога нивните цени нагло паднаа. Иако се наменети за работа на терен, сѐ повеќе луѓе ги користат како единствен компјутер и за дома и за во канцеларијата. Тоа, пак, резултира со подолго и подолго време што го поминуваме во згрбавена и нездрава позиција на телото.
Причина за тоа е пред сѐ, дизајнот на лаптопот. Екранот е поврзан со тастатурата а треба да биде на растојание најмалку од должина на една рака. Тастатурата, пак, треба да е блиску. Па ако го оддалечиме екранот, тогаш и тастатурата се одалечува па повторно работиме во позиција од која не болат и рацете и рамената.
Главата на човекот е тешка, но се додека е поставена правилно во над рамениците нејзината тежина не е проблем за ‘рбетот. Меѓутоа, кога се користи лаптопот главата е поднаведната, пред рамената па нејзината тежина паѓа на товар на рацете. Тоа е преголем товар за ‘рбетот, а тоа доведува до проблеми со грбот, рамената и рацете.
Но, употребата на лаптопите и не мора да биде толкав предизвик за нашето здравје, доколку научиме правилно да го користиме.
Еве неколку совети:
- Користете посебна тастатура и глувче, така што ќе можете да го држите лаптопот на вистинско растојание и на ниво на очите
- Лаптопот да стои на стабилен држач или на биро каде има доволно простор за правилно држење на рацете. Не го држете во скут
- Редовн правете пауза во работата. Ако се прошетате одвреме навреме има помали шанси да ве болат мускулите и зглобовите
- Седете правилно, долниот дел од грбот да биде потпрен и исправен
Важно е да се држите до овие правила и пред да почувствувате болки во грбот. Проблемите со вратот, грбот и рамената се влошуваат со текот на времето.
