Лошиот здив или халитозата никој не го сака. Може да е последица на лоша хигиена на усната шуплина, но и знак за сериозна болест.
„Немојте да мислите дека со користење на течност за испирање уста четири пати на ден ќе се ослободите од лошиот здив. Ако не ги миете доволно забите и не користите конец, храната заостанува околу забите и бактериите ја разградуваат“, рекла Ада Купер, стоматолог, и додала дека за време на миењето на забите не би требало да заборавите и на јазикот.
„Бактериите се насобираат и на задната страна на јазикот и можат да предизвикаат лош здив. Исто така, важно е да пиете доста течности. Кога устата ви е сува и немате доволно плунка, храната и бактериите во устата остануваат подолго. При тоа важно е да се знае дека пушењето, алкохолот и кафето, исто така, доведуваат до сува усна шуплина“, порачала.
Совет плус: Ако со текот на времето забележите дека често морате да користите течност за испирање уста за да го прикриете лошиот здив, можеби имате здравствени проблеми кои не се поврзани со хигиената. Во тој случај, појдете на стоматолог!
