Д-р Џеси О’Ши, инфектолог објави рендген снимка која ја покажува разликата во белите дробови кај двајца негови пациенти. Едниот е вакциниран против КОВИД-19, додека другиот не примил вакцина. Разликата е изненадувачка.
И покрај тоа што вакцината во целост не штити од заразување со коронавирусот, студиите покажале дека е високо ефикасна во спречување на развој на тешка форма на КОВИД-19, болест која може да доведе и до смрте исход.
“Првата слика е 47 годишен маж кој има примено Фајзер вакцина и развил КОВИД-19, две недели подоцна.Тој има вишок килограми, но без било какви познати коморбидитети. Му течеше нос, со благи болки во телото и блага кашлица. Снимката на белите дробови е релативно нормална. Втората слика е на 50 годишна пациентка без обезност, која не прима лекови. На нејзината снимка на белите дробови се гледа дифузно заматување, консолидација во двете белодробни крила со оштетувања и обрзец кој изгледа како најлоша компликација на КОВИД-19 – синдром на акутен респираторен дистрес. И беше потребна интубација, механичка вентилација и екстракорпорална мембранска оксигенација, што е најмногу од начините на одржување во живот што можеме да го понудиме“, опишува лекарот.
Тој потсетува дека вакцините се ефикасни во спречување на тешки болести и смрт, дури и во случај со делта сојот на коронавирусот.
Вакцинираните и натаму можат да се заразат со новиот коронавирус, а податоците потврдуваат дека тие обично имаат благи симптоми.
Вакцината спречува тешки или дури и по живот опасни случаи на КОВИД-19.
Симптомите на КОВИД-19 кои се јавуваат кај вакцинираните лица се главоболка, течење од нос, воспаление на грлото, кивавица и губење на сетилото за мирис. Кај невакцинираните, покрај овие, најчести симптоми се треска и упорна кашлица.
