Важно е да знаете дека, иако можат да се јават слични симптоми, настинката и воспалението на синуси се всушност различни болести. Еве што мрате да знаете:
ШТО Е НАСТИНКА?
Обичната настинка е вирусно воспаление на слузницата на носот и предниот дел од ждрелото, која се карактеризира со изразено течење на носот, кивање, чувство на затнатост на носот и ушите, сувост, стегање и лесна болка во грлото. Обично не се присутни општи симптоми. Болеста почнува по инкубација од 1 до 3 дена и најчесто трае околу една недела, по што доаѓа до целосно оздравување.
Симптомите на настинка вклучуваат:
- Болно грло
- Течење на нос
- Кашлица
- Кивање
- Главоболка
- Болка во телото
ШТО Е ВОСПАЛЕНИЕ НА СИНУСИ?
Воспалението на синуси означува воспаление и отекување на синусната слузница, може да биде бактериско, вирусно, па дури и габично. Назачестени симптоми се притисок во главата и главоболка, обилен исцедок од носот и зад носот, кај посилните воспаленија и покачена температура. Ако има гноен секрет тоа покажува дека можеби се работи за бактериско воспалене. Исцедок со сукрвица од носот исто така зборува за воспаление и треба подетално да се прегледа целата носна шуплина. Според Американскиот центар за алергии, астма и имунологија, симптомите на воспаление на синусите вклучуваат:
- Постаназално капење
- Зелена боја на слузта од носот
- Чувствителност на лицето под очите или челото
- Болка во предниот дел на главата
- Болни заби
- Кашлица
- Температура
- Замор
- Лош здив
КОГА ПОРАДИ СИМПТОМИТЕ ТРЕБА ДА ОТИДЕТЕ НА ЛЕКАР?
Докторите советуваат да почекате една недела, а ако вашите симтоми не реагираат на природните лекови (мед, пилешка супа, чај), како и на лековите без рецепт за олеснување на затнатиот нос, кашлица…, одморањето и рехидрирањето во рок од 7 до 10 дена, или симптомите се влошиле, важно е да отидете на лекар. Ако често се наоѓате во ваква ситуација, лекарите советуваат да посетите оториноларинголог за да утврдите дали зад овој чест проблем во позадина не стои некоја друга болест.
