Како навистина изгледа животот со петорка? Не едно, не две, туку пет бебиња добил млад брачен пар од Кентаки после вештачко оплодување. Со дадилка и една баба, одгледувањето на петорката е секојдневна битка.
Брајана и Џордан Тарнер, родители на пет бебиња, кои месецов наполнија една година, откриваат дека благодарение на нив животот им станал секојдневна борба со времето и еден куп обврски се со цел да може петорката да добие се што и е потребно.
За да бидат децата во чиста облека, брачниот пар, на кој им помага мајката на Брајана и една дадилка, која живее со нив, дневно пуштаат најмалку три машини за перење
Исто така, секојдневно на петорката им менуваат 60 пелени и најмалку 20 различни сетови на облека, пишува „Мирор“.
Неделниот шопинг вклучува десетици шишиња за бебешка храна, млеко и разни формули.
„Спремаме безброј оброци на ден. Мораме да внимаваме што и како јадат, бидејќи сѐ уште им е слаб имунитетот, па затоа не ни одиме често надвор. Но кога ќе излеземе тогаш сме вистинска атракција. Полесно ни е да излеземе со нив во два наврата, прво со три, па потоа со уште две од бебињата“, вели мајката Брајана.
„Моравме да купиме комбе веднаш штом се родија, немаше шанси сите да не собере во стариот автомобил. Но полека го надраснуваме и комбето“, раскажала Брајана.
Таа и нејзиниот сопруг Џордан две години се обидувале да добијат бебе пред да се одлучат за вештачко оплодување. Џордан признава дека речиси се онесвестил кога дознал дека ќе имаат петорка. За да прехрани толку големо семејство, по породувањето на сопругата, земал само една недела породилно отсуство и веднаш се вратил на работа како возач на кран.
„Нашиот живот е испланиран до најмала ситница и мора строго да се придржуваме до распоредот, за да постигнеме се што треба за петорката да биде чиста, уредна и нахранета. Понекогаш сето ова изгледа како многу исцрпувачки сон, нереално… Минатата година ми е целата во магла“, изјавила Брајана.
