Како бројот на заразени во нашата земја секој се зголемува се повеќе, со тоа е се поголем и бројот на граѓани на кои им е пропишана самоизолација. Тоа вклучува останување дома без контакт со останатите членови во семејството, пријатели, колеги, на период од 14 дена. Од пред три дена, Министерството за здравство донесе одлука самоизолацијата да е задолжителна и при тестирање за КОВИД-19, и тоа од закажување на тестот или самото тестирање, па се до добивање на резултатот.
Самоизолацијата е најлесно изводлива за лицата кои живеат сами и кои имаат адекватен простот во кој можат целосно да се изолизраат од другите. Меѓутоа, повеќето граѓани сепак немаат такви услови, туку живеат во семејни домови со еден санитарен јазол и заедничка кујна. Во такви околности најтешко им е на оние кои просторот го делат со лице кое би требало да биде во инкубација. Со оглед на ситуацијата која секој ден е се поопасна, голем е бројот и на оние кои домот го делат со еден или со повеќе заразени со КОВИД-19.
Што може да се направи за најдобро да се заштитите од инфекција? Како да спречите понатамошно ширење на болеста во домот? Можеме ли воопшто во такви околности да се заштитиме од вирусот?
Ова се некои од основните прашања кои се наметнуваат сами по себе. Ова се неколку совети како што подобро да се заштитите и да внимавате на хигиената и здравјето на целото семејство.
Исхрана во текот на денот
Во најидеални услови, лицето би требало да биде само, но доколку мора да се врати во повеќечлено семејство, важно е да избегнува контакт со останатите членови. Препорачливо е во текот на самоизолацијата да престојувате во различни простории кои се одвоени со врата. Во такви услови, иделано е домашните да подготвуваат храна за лицето кое е во изолација или е заразено и да му ја оставаат пред вратата на собата. Дури откако доволно ќе се оддалечат, оној кој е изолација/заразен може да го превземе послужавникот со храна и препорачливо е во тој момент да носи заштитна маска на лицето.
Се препорачува во тие две пропишани недели и останатите членови да не бидат во близок контакт и доколку е можно да се избегнуваат заеднички оброци.
Хигиена на санитарниот јазол
За сите кои имаат повеќе тоалети или одделно ве-це, добро е една од наведените простории да му ја отстапат на користење на заразеното или лицето кое е ево изолација. Сепак, во повеќето станови има само еден, заединчки санитарен јазол. Во тој случај мора дополнително да внимавате.
- По секое користење на ве-це школката пребришете ја со дезинфекциони марамчиња или крпа со дезинфекционо средство, која веднаш ќе ја фрлите.
- Не користете заеднички пешкири. Четките за заби оддалечете ги една од друга во различни садови.
- Редовно водете сметка за хигиената на кадата или тушот.
Останата хигиена во домот
Се препорачува редовно проветрување на сите простории во домот. Правете го тоа неколку пати во текот на денот. Редовно чистете ги металните површини како рачките на вратите, како и оние кои често ги користите (рачка од фрижидер, рерна, чешмата во кујната и во тоалетот, прозорците).
Исто така, основата е редовно миење на рацете, и за лицето во изолација и за сите домашни. Посебно внимавајте на повозрасните членови на семејството или на оние кои спаѓаат во ризична група.
