За време на 40 недели од бременоста телото на жената е изложено на огромни промени. Како што расте детето, тоа зазема сè повеќе и повеќе место во стомакот на својата мајка. Стомакот расте што е видливо, но и внатрешните органи се под голем притисок, што неретко предизвикува непријатност.
Движењето на органите може да изгледа многу драматично, особено ако овие движења се снимаат во текот на сите девет месеци од бременоста, како што е прикажано во GIF приказот на Музејот за наука и индустрија во Чикаго. Во него се сместени девет месеци од бременоста во само неколку секунди, а видеото е одличен доказ за „совршената машина“ – човечкото тело.
На интернетската страница на Музејот, на интерактивниот прикажувач можете да ги видите сите промени кои се појавуваат за време на бременоста во точно одредена недела. На пример, во текот на 29-та до 32-та недела од бременоста, јасно се гледа како се притискаат женските внатрешни органи.
Бебето во 30-та недела тежи околу 1 400 грама и е долго околу 40 сантиметри – и ова е сè уште далеку од просечните 50 сантиметри во должина и 3,5 килограми тежина при раѓање.
