Како штитната жлезда го менува изгледот на телото

Телото работи како машина – ако еден дел е исклучен, тогаш целата машина може да почне да има проблеми

Штитната жлезда е мала жлезда во вратот која го контролира метаболизмот и ги регулира телесните функции. Доколку не работи како што требало севкупното здравје може да биде загрозено.  Симптомите на болести на жтитната жлезда може да одразуваат симптоми на други проблеми.

Косата се истенчува

И двете состојби  – хипотиреоза и хипертиреоза можат да доведат до слабеење на косата. Веѓите може да бидат посебно погодени – веѓите кои се тенки долж надворшените рабови може да се знак за хипотиреоза. На нозете, рацете и другите места може да имате помалку влакна, а косата може да стане сува, груба и лесно кршлива.

Суви очи кои изгледаат отечено

Сувите и иритирани очи може да бидат симптом и на хипертиреоза и хипотиреоза, но истурените очи може да се знак на автоимуно пореметување предизвикано од хипертиреоидизам. Тоа се случува кога капаците се повлечени зад окото. Освен испапчени очи, Базедова болест може да предизвика и двоен вид и отекување.

Вашите мускули се слаби

Хипотиреоза и хипертиреоза можат да доведат до тоа да чувствувате слабост или вкочанетост. Често луѓето не го забележуваат ова веднаш и мислат дека е типична болка која доаѓа заради стареењето.

Се чувствувате слабо

Хипотиреозата може да е поврзана со потешкотии во концентрацијата или депресија, додека хипертиреозата може да доведе до анксиозност – и двете пореметувања може да ве остават без контрола ментално и емоционално.

Нозете и зглобовите се отечени

Хипотиреозата може да предизвика забавување на процесите во телото, а тоа може да доведе до задржување вода, која обично се појавува во долниот дел од телото – колена, зглобови, стапала…

Вратот е отечен

Ако вратот ви е многу отечен може да биде предизвикан од гушавост, која е во основа термин за абнормално зголемена штитна жлезда.

Тежината драстично ви се сменила

Со хипотиреозата метаболизмот се забавува, што значи може да добиете на тежина. Со хипертиреозата може да се случи спротивното.