Симптомите на болеста КОВИД-19, кои вклучуваат температура и кашлица, се многу слични на некои други болести, а една од нив е секако грипот.
Со оглед дека сезоната на грипот е се поблизу, како полесно да се разликува за која болест се работи?
Нова студија со своите резултати до некаде ја олеснува оваа ситуација и новите податоци овозможуваат полесно да се разликуваат симптомите.
Информациите до кои дошле научниците во САД може да помогнат лицето да ги препознае симптомите и што побрзо да оди во самоизолација, што секако ќе ги ублажи последиците.
ПО КОЈ РЕДОСЛЕД СЕ ЈАВУВААТ СИМПТОМИТЕ?
Според студијата, ова е редоследот на појавување на симптомите на болеста КОВИД-19.
- Зголемена телесна температура
- Кашлица и болка во мускулите
- Мачнина и повраќање
- Пролив
Од друга страна, истражувањето покажало дека пациентите со грип, почесто прво страдаат од кашлица, па дури потоа се јавува зголемена температура. Додека прв симптом на болеста КОВИД-19 е зголемена температура.
“Постои одреден редослед, но во пракса не е се така едноставно, оти грипот може да се јави со цела група на симптоми, од болки во грбот до кашлица. Истото важи и за КОВИД-19. Но, сепак овие нови сознанија може да бидат корисни кога е во прашање проценката на поголем број на пациенти кои во амбуланта или во болница ќе дојат со симптоми“, вели д-р Роберт Глатер.
ВАЖЕН Е И РАЗВОЈОТ НА СИМПТОМИТЕ
“Коронавирусот, за разлика од обичниот грип се шири и до три пати побрзо. Појавата на симптомите како губење на осетот за мирис и вкус, како и воспалителните промени на кожата се важни симптоми кои може исто так да откријат дали станува збор за КОВИД-19, а не за сезонски грип“, додава д-р Глатер.
