КАЛЦИУМ
Како старееме така трошиме многу повеќе минерали отколку што внесуваме, а тоа може да влијае на кршливоста на коските, посебно кај жените во менопауза. Калциумот помага во работата на мускулите, нервите, клетките и крвните садови. Жените постари од 50 години, а мажите од 70 треба да внесуваат и до 20% повеќе калциум.
ВИТАМИН Б12
Помага при изградбата на крвните клетки и невроните, а може да се добие од намирниците како месо, риба, јајца и млечни производи. Околу 30% од лицата над 50 години страдаат од гастритис кој ја отежнува абсорпцијата на витамините од храната.
ВИТАМИН Д
Како би го абсорбирал калциумот, на организмот му е потребен витамин Д, па добро е да се земаат заедно за да се спречи појава на остеоартритис. Иако изложувањето на сонце е препорака, како старееме така потешко го абсорбираме од сонцето, па треба да се побара во намирници како лосос, сардини…
ВИТАМИН Б6
Телото го користи како би се одбранило од вируси и бактерии, како и за создавање на енергија. Како старееме, имаме поголема потреба од овој витамин. Изнутрици, масна риба и житни снегулки се добар извор на овој витамин.
МАГНЕЗИУМ
Му помага на телото при изградбата на протеини и на коските, и го одржува нивото на шеќерот во крвта под контрола. Може да се најде во јаткастите плодови и зелениот зеленчук. Ако долго пиете лекови, или имате здравствени проблеми, може да страдате од недостаток на магнезиум.
ПРОБИОТИЦИ
Таканаречените добри бактерии или пробиотиците во цревата ја преработуваат храната, но и ги сузбиваат штетните видови на бактерии и вируси, а ги разградуваат и отровните материи. Се наоѓаат во ферментираните млечни производи како јогурт и кефир. Со пробиотици се богати и ферементираните производи од соја, како и киселата зелка.
ОМЕГА-3
Тие се нарекуваат есенцијални, оти организмот не може сам да ги произведе. Важни се за здравјето на видот, мозокот… Се наоѓаат во масната риба, оревите и лененото семе.
ЦИНК
Токму цинкот е еден од најважните минерали во телото, кој е клучен за добар имунитет и е потребен за многу функции, а може да се најде во намирниците како што е црвеното месо. Цинкот е потребен за одржување на имуниот систем, изградбата на протеини, покренување на ензимите и за создавање на ДНА. Важен е и за нормален раст, развој и полово созревање и за одржување на сетилата за мирис и за вкус. Со месото, добар извор на цинк се и рибата, сирењето, јаткастите плодови и житарките како просо, овес, елда.
СЕЛЕН
Селенот е исклучително важен антиоксидант кој штити од болести на крвните садови, ревматоиден артритис, астма и други хорнични болести. Клучен е за нормална гункција на штитната жлезда, поволно влијае на менталното здравје и расположение. Спречува настанување на деменција, болести на тироидеата и развој на карцином.
КАЛИУМ
Калиумот е меѓу најважните електролити, нужен е за нормална работа на кардиоваскуларниот систем и бубрезите, за пренос на нервните импулси, цврстината на коските и забите и работата на мускулите. Недостатокот на калиум може да доведе до појава на болка и грчеви во мускулите, слабост, вртоглавица, запек и неправилна работа на срцето. Често како најбогати извори на калиум се наведуваат бананите, портокалот, доматите и компирот.
